ИПО "Галеб" и оваа година го организираше традиционалниот настан "Ден со извидниците", настан кој одредот го организира три години наназад. Настанот беше реализиран во дворовите на двете училишта со чии ученици работи ИПО "Галеб" и тоа: на 23.09.2009 година во ОУ "Браќа Миладиновци" и на 25.09.2009 година во ОУ "Димитар Миладинов".

"Денот со извидниците" е настан кој ИПО "Галеб" традиционално го организира во училиштата со чии ученици работи, односно во ОУ "Димитар Миладинов" и ОУ "Браќа Миладиновци". Настанот опфаќа активности од културно-забавен, извиднички, едукативен и натпреварувачки карактер. Целта на "Денот со извидниците" е запознавање на целните групи со она што извидниците всушност го работат, како и промовирање на извидништвото и извидничкото движење.